Bhakti

Ek ehsaas jo bhakto aur bhagwaan ke beech mai reh ke likha..

"Woh kehte hai Bhakti Mai hi Shakti 

Main boli yeh toh mujh mai hi samaayi..
Nahi mila woh mandiron mai
Na murtiyon mai..
Bhajan ki goonj bhi tujhe nahi dila payi...
Dhoondha tujhe kahan kahan
Pahadon mai, Ganga ghat ke kinnaron mai
Guma diya pandit, molvi aur padriyon ne..
Bhagwa mai oodh lu ya Hijab Kar lu
Mombati jalao ya Sanyaasin ho jao
Ek hai Tu yahan toh anek hai...
Darri hui thi, Aasuon se bhari hui thi
khushi mai pareshaani mai
Hichakki mai Tu saasan mai
Harr baar tera hi naam..
Vrat, bhog, kirtan, jagran
Sab kiya tere naam
Subah Shaam tujhe puja na koi duja
Sab karte hai Maine bhi kiya...
Dukh mai thi mai, laga galti hui mujhse..
Fir ek din andhkaar hata
Ujwal hua mera sansaar
Pagoda mai hui mulakaat..
Jag dhoonda tujhe,, Par mila Tu mere mann ke pass
Mere bheetar hai Tu Mujh mai hai Tu
Jo shakti Buddha ko bodh hui,,Uska Uttar hai Tu
Jab se tujhko paya,,Khushiyaan uparam par
Na dukh na chinta,,Na darr na Dhikawa
Ab Tu Hai mere pass,, Mujhe mai hai smaya”

~S.K